İmam Rza (əleyhis-salam) buyurmuşdur:
Qədir Xum günü hədiyyə və bəxşiş günüdür. (1)
Nəql olunur ki, imam Həsən (ələyhis-salam) Qədir Xum bayramı günü Kufədə böyük bir qonaqlıq təşkil edərdi. Əmirəl-möminin Əli (ələyhis-salam), övladları və bir qrup tərəfdarı ilə namazdan sonra bu məclisdə iştirak etmək üçün imam Həsənin (ələyhis-salam) evinə gedərdi. Qonaqlıq başa çatdıqdan sonra İmam Həsən (əleyhis-salam) insanlara hədiyyələr verərdi.
Fəyyaz Tusı deyir:
Qədir bayramı günü İmam Rzanın (ələyhis-salam) hüzuruna çatdım. Həzrət bir qrup xüsusi şəxsləri iftar üçün saxlamışdı. Onların ailələri üçün yemək, müxtəlif hədiyyələr və bəxşişlər göndərmiş, həmçinin onlara paltar, üzük və ayaqqabı hədiyyə etmişdi.” (2)
Mənbələr:
- Seyid İbn Tavus, İqbalul-əəmal, c. 1, s. 464–465, Tehran: Darul-kutubul-İslamiyyə, 1409 h.q.
- Əllamə Məclisi, Biharul-ənvar, c. 95, s. 322, Beyrut: Darul-İhya ət-Turas əl-Ərəbi, 1403 h.q.
