Əllamə Əmini gündə 17 saat oxuyur və işləyirdi. Əlçatmaz olan kitablara çatmaq üçün müxtəlif səfərlər edirdi və bəzi nüsxələri özü əlyazma olaraq surətləyirdi.
O, qədim mətnləri və mənbələri araşdırarkən, bəzən əhl-sünnə mənbələrində qəsdən edilmiş təhriflər və dəyişiklikləri aşkarlayırdı. Buna görə də qədim əlyazma nüsxələrini tapmaq və onlara müraciət etmək lazım olduğunu düşünürdü. Bu barədə özü deyir:
Mən bu əsəri, yəni Əl-Ğədiri yazmaq üçün 10 min cild kitabı Əvvəlindən sonuna qədər oxudum və əlavə olaraq 100 min cild kitaba da müraciət etmişəm.
Beləliklə, bu ensiklopedik əsərdə İbn Teymiyyə Quseymi, Rəşid Rza və başqalarının əsərlərini tənqid edərək, İslam dünyasında birlik və qardaşlığı genişləndirməyə və nifaq toxumlarını qurutmağa çalışmışdır.
Əllamə Əmini “Əl-Ğədir” kitabında hadisəni rəvayət edən səhabələri əlifba sırasına görə qeyd edir.
O, 110 səhabəni adları ilə göstərir ki, hadisəni rəvayət ediblər və 84 tabini qeyd edir. Daha sonra hadisəni rəvayət edən alimləri əsr-əsr sayaraq, II əsrdən XIV əsrə qədər 360 alimi sadalayır.
Şübhəsiz ki, 11 cildlik Əl-Ğədir ərəb dilində axıcı və təsirli üslubla yazılmışdır. Əhəmiyyətli məqamlardan biri odur ki, Əmini yalnız müəyyən sahənin mətnlərinə deyil, mövzu ilə bağlı mövcud bütün çap və əlyazma mənbələrinə müraciət etmiş və elmi analizlərində onlardan istifadə etmişdir.
O, bu nadir əsəri yazmaq üçün bütün təfsir, hədis, tarix, rical, nəsəb, lüğət və şeir kitablarını diqqətlə oxumuşdur.
Buna görə də böyük alim əsərin əvvəlində yazmışdır:
Əl-Ğədir fil-Kitab və Sunnə vəl- Ədəb. Bu kitab dini, texniki, tarixi, ədəbi və əxlaqi bir kitabdır. Bu özünəməxsus üslub, bu kitabın əbədiləşməsinin və eyni mövzu və sahədəki digər kitablardan fərqlənməsinin əsas səbəblərindən biridir.
Deyilənlərə əsasən, yazmağa başlamazdan əvvəl, o, Həzrət Fatimənin (s.ə) müsibətlərinə görə çox ağlayır, göz yaşlarını mürəkkəblə qarışdırır və həmin mürəkkəblə Əl-Ğədiri yazırdı.
Şübhəsiz ki, böyük alim Əbdülhüseyn Əmini adı bu qiymətli əsər “Əl-Ğədir” ilə əbədi bağlıdır. Kitabın yazılması üçün onun ömrünün təxminən yarısı, yəni yarım əsr sərf olunmuşdur, lakin ani xəstəlik və erkən ölüm səbəbindən kitabın bəzi hissələri tamamlanmamış qalmışdır.
Nəticədə, 11 cild Əl-Ğədir ümumi oxucular üçün çap olunub yayımlandı, digər cildlər isə Əmini ailəsində qalıb və hələ ümumi istifadəyə verilməyib.
Mənbə: «Xum Xana»; İmam Əli (ə) müqəddəs hərəminə həsr olunmuş xüsusi buraxılış.
