Boşuna deyilməyib ki, böyük alim özü belə deyirmiş:
Hər dəfə masaya əyləşib Əl-Ğədiri yazanda elə bilirdim ki, Əmirəlmöminin Əli (ə) masanın yanında oturur və mənə mövzuları diktə edir.
O tez-tez deyirmiş:
Görünür ki, mən bu dünyaya Əmirəlmöminin (ə) üçün çalışmaq üçün gəlmişəm. Əl-Ğədir mənim həyat fəlsəfəmidir.
Bəzən də onun dəqiq fiqhi rəyləri və dini hökmləri çıxarmaq qabiliyyətinə görə ona “Risalə Əməliyyə” (yəni Şəriət hökmlərinin izahı haqqında) kitab yazmaq tövsiyə olunurdu.
O isə deyirmiş:
Mənim Risalə Əməliyyəm, məsələlərin izahı və proqramım məhz bu Əl-Ğədir kitabıdır.
Yay istisində kitabxanada oxuyub yazarkən bir kəs ondan soruşmuşdu:
Bu isti havada narahat olmursunuz?
Əllamə Əmini gülümsəyərək cavab vermişdi:
Əmirəlmöminin (ə) sevgisinin isti duyğusu dünyəvi isti hiss etməyə imkan vermir.
