İmam Əli (ə) hərəmindən göndərilən nümayəndə heyəti “Beynəlxalq Qədir Xum Həftəsi” proqramları çərçivəsində, hərəmin İctimai Əlaqələr şöbəsini təmsil edərək Qədir Xum bayramının bayrağını Məşhəd şəhərindəki imam Rza (ə) hərəminə, eləcə də Tehrandakı həzrət Əbdüləzim Həsəni (ə) hərəminə təqdim edib. Bu addım mübarək Qədir Xum bayramının əzəmətini yaşatmaq və onun xatirəsini canlı saxlamaq məqsədilə həyata keçirilib.
Daxili Əlaqələr şöbəsinin rəhbəri Kərrar Musəvi xəbər mərkəzinə verdiyi müsahibədə bildirib: Böyük Qədir Xum bayramının qeyd olunmasına hazırlıq proqramlarının davamı olaraq, imam Əli (ə) hərəmi İraq daxilində və xaricində yerləşən müqəddəs ziyarətgahlara mübarək bayraqların hədiyyə olunmasını nəzərdə tutan beynəlxalq proqram hazırlayıb.
O əlavə edib: Bu müqəddəs məkanlarda məsul şəxslər nümayəndə heyətini qarşılayaraq imam Əli (ə) hərəminə dərin təşəkkür və minnətdarlıqlarını bildiriblər. Onlar dini münasibətlərin, xüsusilə də Qədir Xum bayramı ilə bağlı tədbirlərin yaşadılması istiqamətində hərəmin geniş və davamlı fəaliyyətini yüksək qiymətləndiriblər.
İmam Əli (ə) hərəmi tərəfindən böyük ilahi bayram münasibətilə təşkil olunan bu proqramlar, dini, mədəni və xidmət yönümlü hərtərəfli fəaliyyətlər vasitəsilə Qədir Xum bayramının dirçəldilməsi istiqamətində göstərilən səylərin davam etdiyini nümayiş etdirir. Bu tədbirlər vilayət prinsiplərinin, eləcə də möminlərin əmiri həzrət Əli ibn Əbu Talibin (ə) yolunun və həyat tərzinin tanıdılması və yayılmasına xidmət edir.
