İmam Əli (ə) hərəminin qonaq evi Peyğəmbər Xatəminin (s) şəhadəti ildönümü münasibətilə zəvvarlara xidmət göstərmək məqsədilə 15 qida paylama məntəqəsi yaradıb.
İmam Əli (ə) hərəminin Zəvvarlar Qonaq Evi bölməsi Allah Rəsulunun (s) şəhadəti ildönümü ilə eyni vaxtda İmam Əlinin (ə) müqəddəs hərəminin zəvvarlarına xidmət göstərməyə başlayıb.
Bu xidmətlər İmam Əli (ə) hərəminin kompleks xidmət proqramı çərçivəsində və milyonlarla zəvvarın qəbul edilməsi məqsədilə həyata keçirilir.
Zəvvarlar Qonaq Evi bölməsinin rəhbəri Əsir ət-Təmimi xəbər mərkəzinə verdiyi açıqlamada bildirib:
«Bu bölmə İmam Əlinin (ə) zəvvarlarına yemək paylamaq üçün 15 xidmət məntəqəsinin hazırlanmasına və fəaliyyətə başlamasına start verib. Bu məntəqələr bir neçə mühüm və insanların daha çox hərəkət etdiyi ərazidə yerləşdirilib.»
O əlavə edib:
«Yemək paylama məntəqələri Nəcəf şəhərinin qədim hissəsində və İmam Əli (ə) hərəminin ətrafında yerləşir. Bundan əlavə, Həzrət Fatimeyi-Zəhranın (s.ə) səhnində yerləşən əsas qonaq evi də zəvvarlara xidmət göstərir. Bu xidmətlər İmam Əli (ə) hərəminin müxtəlif bölmələrinin və könüllü xidmətçilərin əməkdaşlığı və dəstəyi ilə həyata keçirilir.»
Qeyd edək ki, İmam Əli (ə) hərəmi uzun müddətdir ki, ziyarət mərasimlərini keçirmək üçün Nəcəfi-əşrəfə gələn Əmirəl-möminin İmam Əlinin (ə) müqəddəs hərəminin zəvvarlarına xidmət göstərmək məqsədilə bütün bölmələrini səfərbər edib və onları tam hazırlıq vəziyyətinə gətirib.
