İmam Əli (ə) müqəddəs hərəmində 7 mindən çox iştirakçının qatıldığı “Zeynəbin mübarək mövludu” müsabiqəsinin virtual püşkatması keçirilib.
İmam Əli (ə) müqəddəs hərəminin İnformasiya Texnologiyaları Mərkəzi minlərlə iştirakçı arasından qalibləri müəyyənləşdirmək məqsədilə “Zeynəbin mübarək mövludu” müsabiqəsinin virtual püşkatmasını həyata keçirib. Bu təşəbbüs hərəm tərəfindən dini əlamətdar günlərin qeyd olunması, eləcə də mədəni və maarifləndirici fəaliyyətlərdə ictimai iştirakın gücləndirilməsi istiqamətində həyata keçirilən proqramların tərkib hissəsidir.
Sistemlər və tətbiqlər bölməsinin rəhbəri Hişam Əbdüləli Xəbər Mərkəzinə açıqlamasında bildirib: “Püşkatma müsabiqədə iştirak mərhələləri tamamlandıqdan və lazımi yoxlamalar aparıldıqdan sonra elektron sistem vasitəsilə keçirilib”.
O, iştirakçıların sayının 7 mini ötdüyünü və virtual püşkatma nəticəsində 2 075 nəfərin qalib seçildiyini qeyd edib.
Qeyd edək ki, müsabiqə həzrət Zeynəb əl-Kübranın (s.ə) mövludunun ildönümü münasibətilə “Vafid” tətbiqi vasitəsilə təşkil olunub.
Bu müsabiqə İmam Əli (ə) müqəddəs hərəminin Əhli-beytlə (ə) bağlı əlamətdar günlərin qeyd olunması məqsədilə həyata keçirdiyi dini və mədəni fəaliyyətlər çərçivəsində təşkil edilib.
İmam Əli (ə) müqəddəs hərəmi müsabiqələrin təşkilində müasir texnologiyalardan istifadə etməklə yanaşı, iştirakçıları daha fəal iştiraka və qarşılıqlı əlaqəyə təşviq etmək məqsədilə qaliblər üçün pul mükafatları da nəzərdə tutur.
