Rəsul Əzəm Tibb Mərkəzi Peyğəmbər Əkrəmin (s) şəhadətinin ildönümündə zəvvarlara tibbi xidmət göstərmək məqsədilə kompleks sağlamlıq proqramının icrasına başlayıb.
İmam Əli (ə) hərəminə bağlı olan Rəsul Əzəm Tibb Mərkəzi Peyğəmbər Əkrəmin (s) şəhadətinin ildönümü ilə eyni vaxtda İmam Əlinin (ə) müqəddəs hərəmini ziyarət edən zəvvarlara tibbi xidmət göstərmək məqsədilə sağlamlıq proqramının həyata keçirilməsinə başlanıldığını açıqlayıb.
Bu proqram çərçivəsində müqəddəs hərəmin ətrafında tibbi məntəqələr və təcili yardım qrupları yerləşdirilir, həmçinin 280 qadın və kişi tibbi yardımçının iştirakı ilə tibbi heyətin sayı artırılır. Bu tədbirlər könüllü xidmətçilər üçün nəzərdə tutulan «Qənbər» Mərkəzi və Nəcəf Əşrəf Səhiyyə İdarəsi ilə koordinasiya şəklində həyata keçirilir.
Həmçinin proqram çərçivəsində təhlükəsizlik və sanitariya tədbirləri gücləndirilir, zəvvarlara təqdim olunan qida və içkilərin sağlamlıq baxımından təhlükəsizliyini təmin etmək məqsədilə Hüseyni xidmət xeymələri də nəzarət və monitorinqə cəlb olunur.
