İmam Əlinin (ələyhis-səlam) müqəddəs hərəmi, strateji planlaşdırma və inkişaf bölməsinin “Nəzm” mərkəzi vasitəsilə “İraq Gənclərinin Mədəni Layihəsi” komandasının 30 üzvü üçün tədris və inkişaf proqramı təşkil edib. Bu proqram imam Həsən (ələyhis-səlam) şəhərciyində bacarıqların inkişafına yönəlik şəkildə həyata keçirilib.
İmam Həsən (ələyhis-səlam) şəhərciyinin məsulu Əli Nafi əl-Əərəci xəbər mərkəzinə açıqlamasında bildirib:
“Bu proqram iştirakçıların bacarıqlarını artırmaq və gənclərin potensialını inkişaf etdirmək məqsədilə ixtisaslaşmış seminarlar və müxtəlif fəaliyyətlər vasitəsilə təşkil olunub. Bu çərçivədə 30 təlimçi Ələvi İnstitutu – birinci səviyyə proqramına cəlb edilib.”
O əlavə edib:
“Proqram çərçivəsində “media müharibəsi və onunla mübarizə yolları”, “zamanın idarə olunması və prioritetlərin müəyyənləşdirilməsi” kimi mövzularda seminarlar, şiəlik tarixi ilə bağlı müzakirələr və mədəni kimlik haqqında mühazirələr keçirilib. Həmçinin proqramda idman və bacarıq inkişafı fəaliyyətləri də yer alıb.”
Qeyd edək ki, üç gün davam edən proqram İmam Əlinin (ələyhis-səlam) müqəddəs hərəminin elmi və mədəni bacarıqlara malik, daha şüurlu bir gənc nəsil yetişdirmək istiqamətindəki səylərinin bir hissəsidir. Bu nəsil gələcəkdə daha güclü və çətinliklərə hazır bir cəmiyyətin formalaşmasında rol oynaya bilər.
