İtkin düşənlər
İmam Əli (ə) hərəmi Ərbəin yürüşü marşrutu boyunca itkin düşən şəxslərin müəyyənləşdirilməsini və onlara yardım göstərilməsini asanlaşdırmaq məqsədilə İtkinlər Mərkəzi yaradıb, «İtkinlər bələdçisi» tətbiqini istifadəyə verib və fars dilində məlumatlandırıcı bannerlər quraşdırıb.
«İtkinlər bələdçisi» tətbiqindən hətta oflayn rejimdə də istifadə etmək mümkündür. Tətbiq zəvvarlara yaxınlarını müəyyənləşdirmək və tapmaqda kömək edə bilər.
Xidmətlər
Rəsmi İtkinlər Mərkəzində itkin düşmüş uşaqların saxlanılması üçün xüsusi məkan yaradılıb. Burada uşaqlar ailələri tapılanadək oyun, rəsm çəkmək və cizgi filmlərinə baxmaq kimi imkanlarla təmin olunan təhlükəsiz və uyğun şəraitdə qorunurlar.
Giriş və müraciət ünvanları
Rəsmi mərkəzin ünvanı:
Nəcəf Əşrəf, imam Zeynülabidin (ə) küçəsinin başlanğıcı, 20-ci dirəyin qarşısı, Səqayə məscidinin yanı.
Səyyar mərkəzin ünvanı:
Ərbəin yürüşü marşrutu üzərində, 96-cı dirəyin yaxınlığında yerləşən Mürtəza istirahət məntəqəsi.
İtkin düşənlər
İmam Əli (ə) hərəmi zəvvarların sağlamlığını və rifahını təmin etmək məqsədilə gecə-gündüz, ödənişsiz və geniş tibbi xidmətlər göstərir. Səyyar tibb məntəqələri məlumatlandırıcı bannerlər və xüsusi nişanlar vasitəsilə zəvvarlara yerləşdikləri məkanı bildirirlər.
Xidmətlər
İmam Əli (ə) hərəminin tibb heyəti tərəfindən «Həzrət Rəsul Əzəm» Tibb Mərkəzi adı ilə tibbi xidmətlər göstərilir. Bu xidmətlər İranın Qızıl Aypara Cəmiyyəti və Tehranın Bəqiyyətullah xəstəxanasının əməkdaşlığı ilə, ixtisaslı, bacarıqlı və təcrübəli həkimlərdən ibarət tibbi heyətin iştirakı ilə həyata keçirilir.
Giriş və müraciət ünvanları
Darüş-Şəfa mərkəzinin ünvanı:
İmam Əli (ə) hərəminin şimal qapısı, Babu-Tusi çıxışı, sol tərəf.
Tibbi xidmətlər mərkəzinin ünvanı:
İmam Əli (ə) hərəmi, həzrət Fatimə Zəhra (s.ə.) həyəti.
Nəcəfdən Kərbəlaya gedən yol üzərindəki tibb mərkəzinin ünvanı:
Ərbəin yürüşü marşrutu boyunca, 96-cı dirəkdə, imam Əli (ə) hərəminin xidmət məntəqəsində.
Səyyar tibb mərkəzlərinin ünvanı:
Hərəmin həyətləri və hərəmlə əlaqələndirən küçələrin ətrafında.
Nəqliyyat
İmam Əli (ə) hərəmi hərəmin ətrafında və Ərbəin yürüşü marşrutu boyunca zəvvarların hərəkətini və daşınmasını asanlaşdırmaq məqsədilə nəqliyyat sistemini təşkil edib.
Ərbəin günlərində milyonlarla zəvvarın iştirakı nəzərə alınaraq, imam Əli (ə) hərəminə aparan yolların bağlanmasının qarşısını almaq məqsədilə hərəmin ətrafında avtomobillərin hərəkəti tamamilə qadağan edilir.
Xidmətlər
İmam Əli (ə) hərəminin nəqliyyat vasitələri, həmçinin 250 icarəyə götürülmüş avtobus vasitəsilə Ərbəin zəvvarlarının Nəcəf Əşrəfdən İraqın cənub vilayətlərinə və İran sərhəd-keçid məntəqələrinə ödənişsiz daşınması və köçürülməsi təmin edilir.
Giriş və müraciət ünvanları
Mərkəzi dayanacağın ünvanı:
Nəcəf–Kərbəla yolu üzərində, Heydəriyyə bölgəsi.
Ərbəin marşrutu boyunca digər dayanacaqların ünvanları:
Sonradan elan ediləcək.
