Mərkəzin rəhbəri Doktor Cavad İsmaili xəbər mərkəzinə açıqlamasında bildirib: Qurban bayramı günləri üçün hazırlanan bu xüsusi plan zəvvarlara xidmət məqsədilə iki tibbi məntəqənin fəaliyyətə başlamasını nəzərdə tutur. Birinci məntəqə Darüş-Şəfa binasında, ikinci məntəqə isə imam Rza (ə) şəhərciyində, müqəddəs hərəmin dairəvi yolu istiqamətindən gələn zəvvarlara xidmət göstərmək üçün yerləşir. Bu mərkəzlər dərman, tibbi avadanlıq və lazımi vasitələrlə təmin olunub, həmçinin burada ixtisaslaşmış həkim və tibb bacısı heyəti fəaliyyət göstərir.
O əlavə edib: Könüllü xidmətçilərə aid Qənbər Mərkəzi bu plan çərçivəsində müqəddəs hərəmin daxilində və ətrafında yardım xidmətləri göstərmək üçün 125 kişi və 100 qadın xidmətçini ayırıb.
Doktor İsmaili bildirib ki, müqəddəs imam Əli hərəminin həyətinin ətrafında beş kiçik təcili yardım maşını yerləşdirilib. Bundan əlavə, Nəcəf şəhərinin qədim hissəsində bir neçə böyük ambulans hazır vəziyyətdə saxlanılır ki, nəqliyyat bölməsi ilə koordinasiya şəraitində təcili halların dövlət xəstəxanalarına sürətli şəkildə çatdırılması təmin edilsin.
Qeyd olunub ki, imam Əli (ə) hərəmi dini mərasimlər və milyonlarla zəvvarın iştirak etdiyi ziyarət günlərində zəvvarlara uyğun tibbi və sosial xidmətlərin göstərilməsi istiqamətində geniş fəaliyyətini davam etdirir.
